SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

ఆ దారుణాన్ని నక్సలైట్లపైకి తోసేశారు.! అశోక్ గజపతి హస్తం.. ప్రధానికి సాయిరెడ్డి సంచలన లేఖ

1 min read

హిరాకుడ్ ఎక్స్ ప్రెస్ రైలు పట్టాలు తప్పిన ప్రమాదాన్ని నక్సలైట్లపైకి నెట్టేశారు. కానీ ఒడిశా డీజీపీ, రాయగడ ఎస్పీ అలాంటిదేమీ లేదని చెప్పారు. అప్పటి కేంద్ర మంత్రి అశోక్ గజపతిరాజు విచారణను ప్రభావితం చేశారని ప్రధాని మోదీకి విజయసాయి సంచలన లేఖ రాశారు.

వైసీపీ కీలక నేత, రాజ్యసభ సభ్యుడు విజయసాయి రెడ్డి మరో సంచలనానికి తెరతీశారు. హీరాకుడ్ రైలు ప్రమాదంపై ఆయన షాకింగ్ కామెంట్స్ చేశారు. 2017లో విజయనగరం జిల్లాలో జరిగిన రైలు ప్రమాదంలో 42 మంది చనిపోయారని.. ఆ ప్రమాదాన్ని నక్సలైట్లపైకి నెట్టేశారంటూ సంచలన ఆరోపణలు చేశారు. రైలు ప్రమాద ఘటనపై విచారణను అప్పటి కేంద్ర మంత్రి అశోక్ గజపతి రాజు తప్పుదోవ పట్టించారని తీవ్ర ఆరోపణలు చేశారు. విచారణను ప్రభావితం చేసిన అశోక్ గజపతి రాజుపై అత్యున్నత విచారణ జరిపించాలంటూ ఏకంగా ప్రధాన మంత్రి నరేంద్ర మోదీకి లేఖ రాసి సంచలనం రేపారు.

ప్రమాదం జరిగిన తీరు.. సహాయక చర్యలు.. అధికారుల విచారణ వంటి విషయాలపై సందేహాలు వ్యక్తం చేస్తూ ఎంపీ విజయసాయి రెడ్డి ప్రధానికి లేఖ రాశారు. 2017 జనవరి 21వ తేదీన రాత్రి 23.30 గంటలకు విజయనగరం జిల్లా కునేరు రైల్వే స్టేషన్ యార్డు వద్ద హిరాకుడ్ ఎక్స్‌ప్రెస్ రైలు పట్టాలు తప్పిందని తెలిపారు. ఆ ప్రమాదంలో 42 మంది ప్రాణాలు కోల్పోయారని.. 70 మంది వరకూ గాయపడ్డారని చెప్పారు. ప్రమాద ఎన్ఐఏ చేపట్టిన విచారణను అప్పటి కేంద్ర మంత్రి అశోక్ గజపతిరాజు ప్రోద్బలంతో డీఆర్ఎం తప్పుదోవ పట్టించారని విజయసాయి రెడ్డి ఆరోపించారు. కమిషనర్ రైల్వే సేఫ్టీని కూడా అశోక్ ప్రభావితం చేశారని అన్నారు.

నార్త్ వాల్తేరు డివిజన్‌ అధికారులు, డీఆర్ఎం, రాష్ట్ర ప్రభుత్వ దర్యాప్తు సంస్థ సీబీసీఐడీ అధికారుల సహకారంతో ఎన్‌ఐఏ విచారణను ప్రభావితం చేశారని విజయసాయి ఆరోపించారు. హిరాకుడ్ ఎక్స్‌ప్రెస్ యాక్సిడెంట్‌కి సంబంధించిన కీలక వివరాలను ఆయన లేఖలో పేర్కొన్నారు. ప్రమదాన్ని నక్సలైట్లకి ఆపాదించారని.. నక్సలైట్లు రైల్వే ట్రాక్‌ను ధ్వంసం చేయడంతోనే ట్రైన్ పట్టాలు తప్పిందని తప్పుదోవ పట్టించారని చెప్పారు. అయితే ఈ ఘటనలో నక్సలైట్ల ప్రమేయం లేదని ఒడిశా డీజీపీ, రాయగడ ఎస్పీ స్పష్టం చెప్పారని విజయసాయి తెలిపారు. ప్రమాదం జరిగిన ప్రదేశం రైల్వే ఆపరేషన్స్ టీం పర్యవేక్షణలో ఉంటుందని.. నక్సలైట్లు అక్కడికి వచ్చే అవకాశం లేదని చెప్పారని పేర్కొన్నారు.
నక్సలైట్ల ప్రమేయానికి సంబంధించి ఎలాంటి ఆధారాలు లేవని ఫోరెన్సిక్ ల్యాబ్ కూడా స్పష్టం చేసిందని విజయసాయి తెలిపారు. రైల్వే భద్రత కమిషనర్ విచారణను అశోక్ గజపతి రాజు ప్రభావితం చేశారని ఆయన ఆరోపించారు. ఈ ప్రమాదం జరిగిన నాలుగేళ్లు గడచిపోతున్నా ఈ కేసులో ఎన్‌ఐఏ ఎలాంటి చర్యలు తీసుకోలేదని ఆయన వివరించారు. అప్పటి ప్రమాదంలో ఏపీ, ఒడిశాకి చెందిన పేదలు ప్రాణాలు కోల్పోయారని.. వారి ఆత్మకు శాంతి చేకూర్చాలని విజయసాయి లేఖలో కోరారు. వెంటనే అత్యున్నత స్థాయి కమిటీని నియమించి సమగ్ర విచారణ జరిపించాలని.. దోషులను కఠినంగా శిక్షించాలని ప్రధానికి లేఖ రాశారు.

సాగునీటిపై హక్కుపై మాట్లాడే అర్హత టిడిపికి లేదు…

Total Page Visits: 238 - Today Page Visits: 2

Leave a Reply

Your email address will not be published. Required fields are marked *

You may have missed