SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

జగన్ సర్కార్‌కు కేంద్రం షాక్.. ఇక ఆ ఛాన్స్ లేదు, అదంతా పక్కాగా!

1 min read

కేంద్రం కీలక నిర్ణయం తీసుకుంది. పథకాలకు సంబంధించిన నిధులు ఇక ఇష్టమొచ్చినట్లు ఖర్చు చేయడానికి కుదరదంటోంది. ఆ నిధుల్ని వేరే ఖాతాలకు, పీడీ అకౌంట్లకు మళ్లించడానికి వీల్లేదు. కేంద్రం ఏ పథకాలకు ఇస్తే వాటికే ఖర్చుచేయాల్సి ఉంటుంది. కేంద్రం ఇచ్చిన వాటా నిధులు ఖర్చుచేసి ఆ పథకంలో రాష్ట్ర వాటా తర్వాత చెల్లిస్తామన్నా ఛాన్స్ లేదు. కేంద్రం నిధుల వినియోగానికి సంబంధించిన విధానాన్ని మార్చేసింది. కొత్త మార్గదర్శకాలతో రాష్ట్ర ప్రభుత్వాలతో చర్చించాక ఖరారు చేసింది.

రాష్ట్ర ప్రభుత్వాల వల్ల తమ పథకాల అమలు తీరు సరిగా లేదని కేంద్రం భావిస్తోంది. అందుకే కొత్త మార్గ దర్శకాల ప్రకారం కేంద్రం నుంచి వచ్చే నిధులను వేరే అవసరాలకు వినియోగించుకుని ఆ తర్వాత ఏడాది ఖర్చు చేయడం ఇకపై కుదరదు. కొత్త విధానాల ఏర్పాటుకు సంబంధించిన ఏర్పాట్లు చేసి తమకు తెలియజేయాలని కేంద్రం కోరింది. ముందు రాష్ట్రాలు తమ అవసరాలకు నిధులు వాడుకుని, తర్వాత కేంద్ర పథకాలపై దృష్టి సారిస్తున్నాయనే విమర్శలు ఉన్నాయి. దీంతో కేంద్రం పథకాల అమలుకు, పారదర్శకంగా నిధులు ఖర్చు చేయడానికి, లబ్ధిదారులకు ప్రయోజనం చేకూరేలా చేసింది.
కేంద్రం తీసుకొచ్చిన కొత్త విధానం జులై నుంచి ప్రారంభిస్తామని కేంద్రం తెలిపింది. 20 రాష్ట్రాలకు ఈ నిర్ణయంపై సానుకూలత వ్యకత్ం చేయగా.. ఏపీ మాత్రం ఓకే చెప్పలేదట. ఈ విధానంతో ఆర్థిక నిర్వహణలో సమస్యలు వస్తాయని, రాష్ట్ర అవసరాలకు వినియోగించుకుంటున్న కేంద్ర నిధులను ఇక ముందు అలా ఖర్చుచేసే పరిస్థితులు ఉండవనే భావన ఉందంట. రాష్ట్ర ప్రభుత్వం ఈ కొత్త విధానం అమలుచేసేలా ఎనిమిది అంశాల్లో ఏర్పాట్లు చేసి తమకు తెలియజేయాలని కేంద్రం కోరింది.

పథకాలకు సంబంధించి కేంద్రం తన వాటా నిధులను విడుదల చేస్తుంది. రిజర్వుబ్యాంకులోని రాష్ట్రాలకు సంబంధించి అకౌంట్లలో జమ చేస్తారు. ఆ నిధులు వచ్చిన 21 రోజుల్లోగా రాష్ట్ర ప్రభుత్వాలు ఆ మొత్తాన్ని సింగిల్‌ నోడల్‌ ఏజెన్సీ ఖాతాలకు బదిలీ చేయాలి. కేంద్రం తన వాటా విడుదల చేసిన 40 రోజుల్లోగా రాష్ట్రం తన వాటాను ఆ అకౌంట్లకు పంపాలి. ప్రతి పథకానికి నోడల్‌ ఏజెన్సీని ఏర్పాటు చేసి.. లబ్ధిదారుల అకౌంట్లను పబ్లిక్‌ ఫైనాన్స్ నిర్వహణ వ్యవస్థ పరిధిలోకి తీసుకురావాలి.
డబ్బులు పథకం కింద చెల్లింపులు చేయాల్సిన ఖాతాలకు తప్ప ఎక్కడికీ బదిలీలు ఉండొద్దు. పబ్లిక్‌ ఫైనాన్సు మేనేజ్‌మెంట్ వ్యవస్థలో చివరి లబ్ధిదారుడి వరకు ఉన్న అన్ని ఖాతాలు మ్యాపింగ్‌ చేయాలి. ఆర్థిక సంవత్సరం ప్రారంభంలో కేంద్రం 25% లోపు నిధులే ఇస్తుంది.. రాష్ట్రం తన వాటా నిధులను కూడా జతచేసి అందులో 5% ఖర్చు చేసిందని ధ్రువీకరించుకున్నాకే మిగిలిన నిధులను కేంద్రం విడుదల చేస్తుంది. ఖర్చు చేయని నిధులను అమలుచేసే ఏజెన్సీలు నోడల్‌ ఏజెన్సీ ఖాతాలకు తిరిగి జమ చేయాలి.. దీనికి రాష్ట్ర ప్రభుత్వానిదే బాధ్యత.

అమ్మానాన్న తిడతారని పాము కరిచినా చెప్పలేదు.. పాపం చిన్నారి ప్రాణం..

Also read

Total Page Visits: 259 - Today Page Visits: 2

Leave a Reply

Your email address will not be published. Required fields are marked *

You may have missed