SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

మార్చి 27న లగ్జరీ లాడ్జిలో దిగిన మహిళ.. రూ. 1.80 లక్షల బిల్లు, చివరికి.. చుక్కలు చూపింది!

1 min read

గుంటూరుకు చెందిన ఓ మహిళ తెలంగాణ రాష్ట్రం, ఖమ్మంలో ఓ బడా లాడ్జిలో దిగి నిండా ముంచేసింది. నమ్మకంగా డబ్బు వసూలు చేసి హోటల్‌ సిబ్బందిని ముప్పతిప్పలు పెట్టింది. చివరికి, అసలు విషయం తేటతెల్లం కావడంతో మాయలేడి కటకటాల పాలయ్యింది. పోలీసులు తెలిపిన వివరాల మేరకు.. 2021 మార్చి 26న వాణి అనే పేరుతో ఓ మహిళ ఖమ్మం విష్ణు రెసిడెన్సీ లాడ్జిలో ఓ గది అద్దెకు తీసుకుంది.

Also read

తాను రిటైర్డ్ ఆర్డీవోనని, భూముల వ్యవహారంపై ప్రత్యేక అధికారిగా ఖమ్మంకు వచ్చినట్లు లాడ్జి సిబ్బందికి చెప్పింది. ఆధార్‌ కార్డు ఇవ్వాలని అడిగితే తాను రిటైర్డ్ డీజీపీ కేఆర్‌ నందన్‌కుమార్‌ భార్యనని నమ్మబలికింది. తన తండ్రి సుప్రీం కోర్టులో జడ్జి అని తెలిపింది. ఇక, హోటల్లో రోజుల తరబడి ఉన్న ఆ మహిళ గది అద్దె చెల్లించకపోగా ఆ హోటల్‌ సిబ్బంది వద్దే రూ.80,400 అప్పుగా తీసుకుంది.

ఎన్ని రోజులవుతున్నా బిల్లు చెల్లించకపోవడంతో.. డబ్బులు అడిగితే ఎప్పటికప్పుడు తన పని ఇంకా పూర్తి కాలేదని బుకాయిస్తూ వచ్చింది. అమెరికాలో ఉన్న తన భర్త వచ్చాక వెళ్తానని చెప్పి తప్పించుకుంటోంది. ఈ క్రమంలోనే ఈ నెల 23న శుక్రవారం హోటల్‌ సిబ్బంది గట్టిగా నిలదీయడంతో రివర్స్‌లో వారిపైనే బెదిరింపులకు దిగింది. అనంతరం ఆమె ఉంటున్న గదిని శుభ్రం చేసే సమయంలో దిమ్మతిరిగే నిజం బయటపడింది. ఆమె పూర్తి వివరాలు బయటపడ్డాయి. ఆ


హోటల్‌లో దొరికిన ఆధార్‌ కార్డులో ఆమె పేరు పెద్దాడ విజయలక్ష్మి, భర్త పేరు కృష్ణమూర్తి, గుంటూరు జిల్లా మంగళగిరిగా ఉన్నాయి. దీంతో మోసపోయినట్లు గ్రహించిన హోటల్ సిబ్బంది పోలీసులకు ఫిర్యాదు చేశారు. హోటల్‌ గది అద్దె రూ. 1.80 లక్షలతోపాటు అప్పుగా, తీసుకున్న రూ.80,400 ఇప్పించి తమను మోసం చేసిన నిందితురాలిపై చర్యలు తీసుకోవాలని హోటల్‌ మేనేజర్‌ పాములపాటి శ్రీనివాస్‌ ఖమ్మం రెండో పట్టణ ఠాణాలో ఫిర్యాదు చేశారు.

దీంతో పోలీసులు ఆమెను అరెస్ట్ చేసి, విచారణ చేపట్టగా మరిన్ని విస్తుగొలిపే నిజాలు బయటపడ్డాయి. విజయలక్ష్మి గతంలోనూ పలుచోట్ల ఇలాగే మోసం చేసినట్లు తెలుస్తోంది. హనుమాన్‌ జంక్షన్‌, మిర్యాలగూడ తదితర పట్టణాల్లో తాను ఐఏఎస్‌ అధికారి సుజాతారావునని చెప్పి పలు మోసాలకు పాల్పడినట్లు దర్యాప్తులో వెల్లడించినట్లు తెలుస్తోంది

టీడీపీ నేతలకు చెందిన ఆస్తులపై వైసీపీ దౌర్జన్యం

Total Page Visits: 491 - Today Page Visits: 1

Leave a Reply

Your email address will not be published. Required fields are marked *

You may have missed