SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

తల్లి, ముగ్గురు పిల్లలు మృతిపై వెలుగులోకి సంచలన విషయాలు

1 min read

అరకు విషాదం: తల్లి, ముగ్గురు పిల్లలు మృతిపై వెలుగులోకి సంచలన విషయాలు

తల్లి సురేఖ ఓ గదిలో ఉరి వేసుకొని చనిపోగా.. ఆమె ముగ్గురు బిడ్డలు మరో గదిలో మంచంపై విగతజీవులుగా పడి ఉండటంతో అనేక అనుమానాలు వ్యక్తమవుతున్నాయి.

విశాఖపట్నం జిల్లా అరకులో మహిళ, ఆమె ముగ్గురు పిల్లలు అనుమానాస్పద స్థితిలో మృతి చెందిన విషయం తెలిసిందే. ఈ ఘటనపై మృతురాలు సురేఖ తండ్రి లక్ష్మయ్య సంచలన ఆరోపణలు చేశారు. తన కుమార్తె, మనవలు మృతికి అల్లుడే కారణమని ఆరోపించారు. వేరే మహిళతో వివాహేతరం సంబంధం పెట్టుకుని, మానసికంగా హింసించాడని ఆయన శనివారం పోలీసులకు ఫిర్యాదు చేశారు. సురేఖను మానసికంగా హింసించిన సంజీవ్.. నలుగురి మృతికి కారకుడయ్యాడని ఫిర్యాదులో పేర్కొన్నారు.

సురేఖ తండ్రి లక్ష్మయ్య విలేకర్లతో మాట్లాడుతూ.. తన కుమార్తె సురేఖను భర్త శెట్టి సంజీవ్‌ మానసికంగా హింసించేవాడని తెలిపాడు. కొద్దికాలంగా మరో మహిళతో అక్రమ సంబంధం పెట్టుకుని సురేఖను చిత్రహింసలకు గురిచేశాడని ఆరోపించారు. ఈ విషయమైన కొద్దిరోజుల కిందట ఇద్దరి మధ్య గొడవ జరిగిందని, సురేఖను కొట్టడంతో పుట్టింటికి వచ్చేసిందని తెలిపారు. అనంతరం పెద్దల సమక్షంలో పంచాయితీ పెట్టి భర్తతో కాపురానికి పంపామని వివరించారు.

భర్త వద్దకు వచ్చిన కొద్ది రోజుల్లోనే సురేఖ, ముగ్గురు పిల్లలు విగతజీవులయ్యారు. నలుగురి మృతికి కారకుడైన సంజీవ్‌ను కఠినంగా శిక్షించాలని లక్ష్మయ్య కోరారు. మరోవైపు, ఈ ఘటనపై కేసు నమోదుచేసిన పోలీసులు దర్యాప్తు కొనసాగిస్తున్నారు. అరకులోయ సీఐ దేముడుబాబు, ఎస్సై నజీర్‌ సిబ్బందితో సంజీవ్‌ ఇంటిని శనివారం పరిశీలించారు.
అక్కడ బిర్యానీ, మద్యం, రెండు కూల్‌డ్రింకు సీసాలు లభించడంతో వాటిని స్వాధీనం చేసుకున్నారు. వేలిముద్రలు సేకరించి స్థానికుల నుంచి వివరాలు తెలుసుకున్నారు. నలుగురి మృతి వెనుక హత్య కోణం ఉందా? లేకపోతే సురేఖ పిల్లలకు విషమిచ్చి తాను ఉరేసుకుని ఆత్మహత్యకు పాల్పడిందా? అన్న దానిపై పోలీసులు దృష్టిసారించారు. శనివారం వేకువజాము వరకు పోలీసులు సంజీవ్‌ ఇంటి వద్దే ఉన్నారు.

అరకు ప్రాంతీయ ఆసుపత్రికి సంజీవ్‌ బంధువులు, సురేఖ బంధువులు రావడంతో ఉద్రిక్తత చోటుచేసుకుంది. అంతకు ముందు సురేఖ బంధువులు సంజీవ్‌తో వాగ్వాదానికి దిగారు. శనివారం మధ్యాహ్నం పోస్టుమార్టం నిర్వహించి మృతదేహాలను బంధువులకు అప్పగించారు.

కన్నతల్లే కడతేర్చి, తానూ కాటికి చేరింది!

Total Page Visits: 44 - Today Page Visits: 2

Leave a Reply

Your email address will not be published. Required fields are marked *

You may have missed