SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

జర్నలిస్ట్‌పై ఐఏఎస్ దౌర్జన్యం.. వెంటబడి కొట్టిన అధికారి.. వీడియో వైరల్

1 min read

విధుల్లో ఉన్న ఓ పోలీస్‌ అధికారిపై బీజేపీ కార్యకర్తలు కొట్టాడనే ఫిర్యాదు చేయగా.. ఏకంగా ఐఏఎస్‌ అధికారి ఓ టీవీ రిపోర్ట్‌ను వెంటపడి మరీ కొట్టడం దారుణం

యూపీ స్థానిక ఎన్నికల్లో హింసాత్మక ఘటనలు.
చిత్రీకరిస్తున్న రిపోర్టర్‌పై ఐఏఎస్ అధికారి దాడి.
అధికార పార్టీకి సహకరించినట్టు ఆరోపణలు.

స్థానిక సంస్థల ఎన్నికల వేళ ఉత్తర్ ప్రదేశ్‌లోని ప‌లు ప్రాంతాల్లో ఘర్షణలు, హింసాత్మక ఘటనలు చోటుచేసుకున్నాయి. ఈ ఘర్షణల్లో ఐఏఎస్ అధికారులు సైతం విచ‌క్ష‌ణ కోల్పోయి ప్ర‌వ‌ర్తించడం విస్మ‌యం క‌లిగిస్తోంది. ఓ జర్నలిస్ట్‌ను ఐఏఎస్ అధికారి చేయిచేసుకున్న ఘటన విమర్శలకు దారితీసింది. ఓ టీవీ రిపోర్టర్‌ వెంటపడి ప‌ట్టుకుని ఐఏఎస్ అధికారి కొడుతున్న వీడియో ప్రస్తుతం సోషల్ మీడియాలో వైర‌ల్ అవుతోంది. ఉన్నతాధికారి బహిరంగంగా జర్నలిస్ట్‌పై చేయిచేసుకోవడంపై విమర్శలు వ్యక్తమవుతున్నాయి.

ఉన్నావ్‌లోని మియాగంజ్‌ చీఫ్‌ డెవలప్‌మెంట్‌ ఆఫీసర్‌ (సీడీవో)గా విధులు నిర్వ‌ర్తిస్తోన్న ఐఏఎస్ దివ్యాన్షు పటేల్.. జ‌ర్న‌లిస్టుపై దాడికి పాల్ప‌డ్డారు. ఎన్నికల సమయంలో అక్కడ పరిస్థితులను జ‌ర్న‌లిస్ట్ తన సెల్‌ఫోన్‌లో చిత్రీకరిస్తుండగా.. సీడీఓ దివ్యాన్షు పటేల్ రెచ్చిపోయాడు. పోలీసులు అడ్డుకోవడం ఆ జ‌ర్న‌లిస్ట్ అతడి నుంచి త‌ప్పించుకోగ‌లిగాడు. అయితే, దివ్యాన్షు పటేల్‌పై జర్నలిస్ట్ సంచలన ఆరోపణలు చేశాడు. లోకల్ కౌన్సిల్ సభ్యులు ఓటింగ్‌లో పాల్గొనకుండా అపహరించారని పేర్కొన్నాడు.
ఇందులో దివ్యాన్షు హస్తం కూడా ఉందని… ఆ ఘటనను వీడియో తీసినందుకే తనపై దాడి చేశాడని చెప్పాడు. జర్నలిస్ట్ ఆరోపణలపై సీడీఓ దివ్యాన్షు ఇంకా స్పందిచంలేదు. ఈ దాడి ఘ‌ట‌న‌పై జ‌ర్న‌లిస్టు నుంచి ఫిర్యాదు తీసుకున్న‌ట్లు ఉన్నావ్ క‌లెక్ట‌ర్ తెలిపారు.

జర్నలిస్ట్‌పై అధికారి దాడి దృశ్యాలు సోషల్ మీడియాలో చక్కర్లు కొడుతున్నాయి.

‘మేము జర్నలిస్టులతో మాట్లాడాం… దాడి జరిగిన జర్నలిస్ట్ నుంచి మాకు లిఖితపూర్వక ఫిర్యాదు అందింది.. ఈ కేసులో న్యాయమైన చర్యలు తీసుకుంటామని నేను మీకు భరోసా ఇస్తున్నాను’ అని ఉన్నావ్ కలెకట్ర్ రవీంద్ర కుమార్ అన్నారు. ఇదిలా ఉండగా, ఉత్తర్ ప్రదేశ్‌లో పంచాయతీ అధ్యక్షులను ఎన్నుకోడం కోసం జరిగిన ఎన్నికల్లో కనీసం 17 జిల్లాల్లో ఘర్షణలు, హింసాత్మక ఘటనలు చోటుచేసుకున్నాయి.
ఇక, స్థానిక ఎన్నికల్లో ‘చారిత్రాత్మక విజయం’ సాధించినట్టు బీజేపీ ప్రకటించింది. బీజేపీ రిగ్గింగ్, అక్రమాలకు పాల్పడిందని మాజీ ముఖ్యమంత్రి అఖిలేష్ యాదవ్ నాయకత్వంలోని సమాజ్‌వాదీ పార్టీతో సహా ప్రతిపక్షాలు ఆరోపించాయి. తమను ఓటేయకుండా అడ్డుకున్నారని యూపీలోని వివిధ ప్రాంతాల్లో బ్లాక్ కౌన్సిల్ సభ్యులు ఫిర్యాదు చేశారు.
‘బ్లాక్ పంచాయతీ అధ్యక్ష ఎన్నికల్లో మిత్రపక్షాలు, మద్దతుదారులతో కలిసి 635కిపైగా స్థానాల్లో బీజేపీ విజయం సాధించింది… తుది ఫలితాలు వచ్చేటప్పటికి ఈ సంఖ్య ఇంకా పెరుగుతుంది’ అని యూపీ సీఎం యోగి ఆదిత్యనాథ్ వెల్లడించారు. ఎటావాలో ఓ సీనియర్ పోలీస్ అధికారిపై బీజేపీ కార్యకర్తలు చేయిచేసుకున్నారు. దీనికి సంబంధించి వీడియో కూడా వైరల్ అవుతోంది.

Read also

Total Page Visits: 354 - Today Page Visits: 1

Leave a Reply

Your email address will not be published. Required fields are marked *

You may have missed