SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

ఆమె.. అమ్మాయి కాదు, అమలాపురంలో వింత మోసం.. ఇలా కూడా ఉంటారా?

1 min read

ఆమె తీయని మాటలకు పడిపోయారు. తాను కంపెనీ కాల్ సెంటర్ నుంచి మాట్లాడుతున్నానని.. ఉద్యోగాలిప్పిస్తానని చెప్పడంతో నమ్మేశారు. తీరా తాము మోసపోయామని గ్రహించి పోలీసులను ఆశ్రయించారు. అసలు విషయం తెలిసి అవాక్కయ్యారు.

ఉద్యోగాలిప్పిస్తానని డబ్బులు నొక్కేసిన కిలాడీ లేడీ ఆ తర్వాత మాట్లాడకపోవడంతో బాధితులు లబోదిబోమంటూ పోలీసులను ఆశ్రయించారు. అసలు విషయం తెలిసి కంగుతిన్నారు. అది ఆమె కాదు.. అతను అని తెలియడంతో దిమ్మతిరిగిపోయింది. సాఫ్ట్‌వేర్ ఇంజనీర్ అయిన హిజ్రా ఘరానా మోసానికి పాల్పడినట్లు తేలింది. అతని ఆడగొంతుకి పడిపోయిన నిరుద్యోగులు లక్షల్లో సమర్పించేసుకున్నారు. ఎట్టకేలకు పోలీసులు నిందితుడిని అరెస్టు చేసి కటకటాలవెనక్కి నెట్టారు. పోలీసులు తెలిపిన వివరాల మేరకు..
నెల్లూరుకి చెందిన నకరికంటి శివదినేష్(33) సాఫ్ట్‌వేర్ ఇంజనీర్. అతను హిజ్రా కావడంతో అమ్మాయి గొంతుతో మాట్లాడేవాడు. అదే గొంతుతో ఘరానా మోసానికి పాల్పడ్డాడు. కరోనా కష్టకాలంలో నిరుద్యోగ యువతకు సాయం చేసేందుకు ఫోన్ చేస్తున్నట్లు నమ్మించాడు. తాను ఓ కాల్ సెంటర్ నుంచి ఫోన్ చేస్తున్నానంటూ హస్కీ వాయిస్‌తో ఇంగ్లీష్‌లో మాట్లాడి మాయ చేసేవాడు. తాను ఉద్యోగాలిప్పిస్తానని.. అయితే అందుకు కొంత ఖర్చవుతుందని చెప్పి ముగ్గులోకి దించేవాడు.

తాము మాట్లాడుతున్నది యువతి అనుకున్న నిరుద్యోగులు ఆమె తీయని మాటలకు పడిపోయారు. అమలాపురం, అంబాజీపేటకు చెందిన ఆరుగురు యువకులు పలుమార్లు రూ.15 లక్షలకు పైగా ఆమె చెప్పిన ఖాతాకు పంపించారు. ఒక్కొక్కరి నుంచి 2 లక్షల నుంచి 3 లక్షల రూపాయలు వసూలు చేశాడు. ఎన్నిరోజులైనా ఉద్యోగాలు రాకపోవడంతో మోసపోయామని భావించిన నిరుద్యోగులు వెంటనే పోలీసులను ఆశ్రయించారు.

కేసు నమోదు చేసిన అమలాపురం టౌన్ పోలీసులు విచారణ చేపట్టారు. ఫోన్‌లో మాట్లాడిన యువతి చెప్పిన కంపెనీ పేరు, బ్యాంకు ఖాతా వివరాలతో మోసానికి పాల్పడింది శివదినేష్‌గా గుర్తించారు. వెంటనే ఒక టీమ్‌ను నెల్లూరు పంపించి అతన్ని అరెస్టు చేసి అమలాపురం తీసుకొచ్చారు. అయితే తమను మోసం చేసింది యువతి కాదని.. హిజ్రా తెలియడంతో బాధితులు కంగుతిన్నారు. దినేష్‌ను కోర్టులో హాజరుపరిచి రిమాండ్‌కి తరలించారు.

Total Page Visits: 152 - Today Page Visits: 2

Leave a Reply

Your email address will not be published. Required fields are marked *

You may have missed