SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

ఎన్టీఆర్ మానస పుత్రికపై వివాదం.. జగన్ సర్కార్‌కి లక్ష్మీ పార్వతి సపోర్ట్.!

1 min read



ఎన్టీఆర్ స్థాపించిన తెలుగు అకాడమీ పేరు మార్పుని విపక్షాలు తీవ్రంగా వ్యతిరేకిస్తున్నాయి. అంత అవసరం ఏముందంటూ జగన్ సర్కార్‌పై నేతలు విరుచుకుపడుతుంటే.. ఆమె సమర్థించడం విశేషం.

తెలుగు అకాడమీ వివాదం
పేరు మార్పుపై విపక్షాల విమర్శలు
సమర్థించిన అకాడమీ అధ్యక్షురాలు

విశ్యవిఖ్యాత నటసార్వభౌమ, మాజీ ముఖ్యమంత్రి నందమూరి తారక రామారావు స్థాపించిన తెలుగు అకాడమీ పేరు మార్పుపై వివాదం రాజుకుంటోంది. తెలుగు అకాడమీ పేరు మార్చాల్సిన అవసరం ఏమొచ్చిందని ప్రతిపక్ష నేతలు జగన్ సర్కార్‌పై తీవ్ర స్థాయిలో విరుచుకుపడుతున్నారు. ఇంగ్లీష్ మీడియం పేరుతో ఇప్పటికే భవిష్యత్ తరాలకు మాతృభాషను దూరం చేసే దుర్మార్గపు చర్యలకు జగన్ ప్రభుత్వం పూనుకుందని.. తాజాగా తెలుగు అకాడమీని తెలుగు సంస్కృత అకాడమీగా మార్చడం దారుణమని ధ్వజమెత్తుతున్నాయి.

ప్రధాన ప్రతిపక్షం టీడీపీ సహా జనసేన తెలుగు అకాడమీ పేరు మార్పును తీవ్రంగా తప్పుబట్టాయి. పేరు మార్పు ద్వారా సాధించేదేంటి అని పవన్ కళ్యాణ్ సూటిగా ప్రశ్నించారు. సంస్కృతంను అభివృద్ధి చేయాలంటే మరో అకాడమీ ఏర్పాటు చేయాలని.. కానీ తెలుగు అకాడమీని మార్చడం సరికాదని ఆయన అభిప్రాయపడ్డారు. అయితే తెలుగు అకాడమీ పేరు మార్పు వ్యవహారంపై ఎన్టీఆర్ సతీమణి, తెలుగు – సంస్కృత అకాడమీ చైర్‌‌పర్సన్ నందమూరి లక్ష్మీ పార్వతి షాకింగ్ కామెంట్స్ చేశారు. జగన్ సర్కార్ నిర్ణయాన్ని లక్ష్మీపార్వతి సమర్థించారు.

తెలుగు అకాడమీని.. తెలుగు – సంస్కృత అకాడమీగా విస్తరించడంలో తప్పేంటని ఆమె ప్రశ్నించారు. తెలుగు – సంస్కృత అకాడమీ ఏర్పాటును తప్పుబడుతూ కొందరు మీడియాలో చేసిన వ్యాఖ్యలు చూశానని.. తెలుగు – సంస్కృత అకాడమీగా విస్తరించడం వల్ల జరిగే నష్టాలేంటో వివరించాలని ఆమె అన్నారు. నష్టం ఏమిటో చెప్పకుండా ఏదో ఘోరం జరిగిపోతోందంటూ ఎందుకు ప్రకటనలు చేస్తున్నారో కూడా చెప్పాలని ఆమె నిలదీశారు. తెలుగు భాషతో పాటు సంస్కృత భాషాభివృద్ధికి జగన్ సర్కార్ చేస్తున్న ప్రయత్నాన్ని అభినందించాలని.. అకారణమైన విమర్శలు చేయొద్దని మనవి చేస్తున్నానని లక్ష్మీపార్వతి పేర్కొన్నారు.

Read also

Total Page Visits: 266 - Today Page Visits: 1

Leave a Reply

Your email address will not be published. Required fields are marked *

You may have missed