SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

అమరా రెడ్డి’ వర్సెస్ జగన్ రెడ్డి.! ఏపీ హైకోర్టు కీలక ఆదేశాలు

1 min read

అమరా రెడ్డి కాలనీ ఇళ్ల కూల్చివేత వ్యవహారం గుంటూరు జిల్లాలో హాట్‌టాపిక్‌గా మారింది. తమకు నష్టపరిహారం. ఇంటి స్థలం ఇవ్వలేదంటూ ఆందోళనకు దిగడంతో విషయం సీరియస్ అయింది. పలువురు హైకోర్టుని ఆశ్రయించారు.

ఏపీ సీఎం జగన్ తాడేపల్లి నివాసానికి సమీపంలోని అమరా రెడ్డి కాలనీ ఇళ్ల కూల్చివేత పంచాయితీ హైకోర్టుకు చేరింది. సీఎం సెక్యూరిటీ పేరుతో కాలనీని ఖాళీ చేయించే పనులు ముమ్మరంగా సాగుతుండగా బాధితులు ఏపీ హైకోర్టును ఆశ్రయించారు. తమ ఇళ్లని బలవంతంగా ఖాళీ చేయిస్తున్నారని.. మంగళగిరి, తాడేపల్లి మున్సిపల్ అధికారులు జేసీబీలతో ఇళ్లను కూల్చివేస్తున్నారంటూ సంకరు రాజేష్, మరో 25 మందితో మూడు లంచ్ మోషన్ పిటిషన్లు దాఖలు చేశారు. జస్టిస్ డి.రమేష్ పిటిషన్లపై విచారణ చేపట్టారు.


కాలనీలోని 321 కుటుంబాల్లో సుమారు 240 కుటుంబాలు ఇళ్లు ఖాళీ చేసి స్వచ్ఛందంగా వెళ్లిపోయారని.. వారికి నష్టపరిహారం కూడా చెల్లించామని ప్రభుత్వ తరఫు న్యాయవాది సుమన్ వాదనలు వినిపించారు. ప్రభుత్వం అర్హులందరికీ ఇంటి స్థలం కూడా మంజూరు చేసిందని ఆయన తెలిపారు. ప్రస్తుత పరిస్థితుల్లో పిటిషన్‌దారులకి ప్రత్యేకంగా తాత్కాలిక ఇళ్లని కేటాయిస్తే మిగిలిన వారు కూడా కోర్టుని ఆశ్రయించే అవకాశముందని ఆయన పేర్కొన్నారు. ఇళ్లు ఖాళీ చేసేందుకు వారం రోజులు సమయం ఇస్తామని ప్రభుత్వ న్యాయవాది తెలిపారు.

ప్రభుత్వ వాదనలపై పిటిషనర్ తరఫు న్యాయవాది అభ్యంతరం చెప్పారు. కాలనీలోని 240 మంది ఖాళీ చేసి వెళ్లారనడంలో వాస్తవం లేదన్నారు. ఇళ్లు ఖాళీ చేసేందుకు కనీసం 2 లేదా 3 నెలల సమయం కావాలని.. వారికి కేటాయించిన స్థలంలో కనీసం షెడ్డు వేసుకునేందుకైనా అవకాశం ఇవ్వాలని ఆయన కోరారు. ఇరుపక్షాల వాదనలు విన్న న్యాయస్థానం కీలక ఆదేశాలు జారీ చేసింది. పిటిషనర్లకు రెండు వారాల సమయం ఇస్తున్నామని.. ఈలోగా ఎలాంటి చర్యలు చేపట్టవద్దని ప్రభుత్వానికి సూచించింది. అప్పటిలోగా ఇళ్లు ఖాళీ చేసి అధికారులకు సహకరించాలని పిటిషనర్లను ఆదేశించింది. ఇంటి స్థలం.. నష్టపరిహారం కూడా ఇవ్వలేదని దాఖలైన మూడు పిటిషన్‌పై కౌంటర్ దాఖలు చేయాలని ప్రభుత్వాన్ని ఆదేశించింది.

Also read

Total Page Visits: 181 - Today Page Visits: 1

Leave a Reply

Your email address will not be published. Required fields are marked *

You may have missed