SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

విజయవాడలో రెచ్చిపోతున్న హిజ్రాలు….

1 min read

*విజయవాడలో రెచ్చిపోతున్న హిజ్రాలు…. యువకులకు బలవంతపు సర్జరీలు, మాఫియా రేంజ్‌లో వసూళ్లు*

విజయవాడలోని హిజ్రాలు తమ వసూళ్ల కోసం రైళ్లను సైతం పంచుకున్నారు. విజయవాడ నుంచి సికింద్రాబాద్‌, చెన్నై, విశాఖపట్నం మార్గాలవైపు వెళ్లే రైళ్లను రెండు గ్రూపులకు చెందిన హిజ్రాలు పంచుకున్నారు.

ప్రధానాంశాలు:
ప్రయాణికులను బెదిరించి వసూళ్లు..!
ఇవ్వకపోతే భౌతిక దాడులే..
అమాయక యువకులకు లింగ మార్పిడి ఆపరేషన్లు
విజయవాడ నగరంలో హిజ్రాల ఆగడాలు రోజురోజుకూ మితిమీరుతున్నాయి. రెండు గ్రూపులుగా ఏర్పడిన వీరు పోటాపోటీగా బలవంతపు వసూళ్లకు పాల్పడుతున్నారు. రైల్వేస్టేషన్‌, బస్టాండు కేంద్రంగా కార్యకలాపాలు సాగిస్తున్నారు. రైళ్లు, రైల్వేస్టేషన్లలో వీరి ఆడగాలపై పోలీసులు నిఘా పెట్టినా దాడులు ఆగడం లేదు. ప్రయాణ ప్రాంగణాలకు వస్తున్న వారిని వెంబందించి వేధించి అందినంత దోచుకుంటున్నారు. ఇది చాలదన్నట్లు కొందరు అమాయక యువకులను వలలో వేసుకుని లింగ మార్పిడి చేయించ హిజ్రాలుగా మార్చేస్తున్నారు.

వీరి ఆగడాలపై నిఘా పెట్టిన విజయవాడ పోలీసులకు ఇటీవల షాకింగ్ విషయం తెలిసింది. రాజరాజేశ్వరీపేట కేంద్రంగా లింగ మార్పిడి ఆపరేషన్లు జరుగుతున్నట్లు రైల్వే పోలీసుల విచారణలో బయటపడింది. ఓ డాక్టర్ ఒక్కో సర్జరీకి రూ.30వేలు తీసుకుంటున్నట్లు తెలిసింది. ఇంట్లో నుంచి పారిపోయి వచ్చి రైల్వేస్టేషన్లు, బస్టాండ్లలో తిరిగే యువకులకు హిజ్రాలు మాయమాటలు చెప్పి, గుట్టుచప్పుడు కాకుండా లింగ మార్పిడి ఆపరేషన్లు చేయించినట్లు బట్టబయలైంది. ఇలా ఏడాది కాలంలో సుమారు 50 మందికి లింగ మార్పిడి ఆపరేషన్లు చేసినట్లు వెలుగులోకి వచ్చింది.



డబ్బులు ఇవ్వకపోతే దాడులే
విజయవాడలోని హిజ్రాలు తమ వసూళ్ల కోసం రైళ్లను సైతం పంచుకున్నారు. విజయవాడ నుంచి సికింద్రాబాద్‌, చెన్నై, విశాఖపట్నం మార్గాలవైపు వెళ్లే రైళ్లను రెండు గ్రూపులకు చెందిన హిజ్రాలు పంచుకున్నారు. ఒక్కో రైల్లో ప్రయాణికుడి వద్ద రూ.100 ఇవ్వనిదే కదలడం లేదు. అందరిలోనూ వారి పరువు తీయడంతో పాటు దాడులకు సైతం పాల్పడుతున్నారు. బుధవారం ఉదయం రైల్వేస్టేషన్‌ వద్ద ఒక ప్రయాణికుడిని బెదిరించి రూ.5వేలు దోచుకున్నారు. దీనిపై పోలీసులు కేసు నమోదు చేశారు.

గతంలో గుడివాడ రైల్లో పాలిటెక్నిక్‌ చదివే ఒక విద్యార్థిని ఇదే తరహాలో బెదిరించగా.. డబ్బులు ఇవ్వకపోతే రైల్లో నుంచి తోసేశారు. ఆ విద్యార్థికి తీవ్ర గాయాలై రెండు కాళ్లు కోల్పోయాడు. హిజ్రాల దౌర్జన్యాలపై ఇటీవల కాలంలో సుమారు 100 మంది ప్రయాణికులు రైల్వే పోలీసులకు ఫిర్యాదు చేశారు. రైళ్లలో హిజ్రాలు వసూళ్లకు పాల్పడితే కఠిన చర్యలు తీసుకుంటామని జీఆర్పీ సీఐ పి.శ్రీనివాస్‌ తెలిపారు. వీరి ఆగడాలపై రోజూ పదుల సంఖ్యలో ఫిర్యాదులు అందుతున్నాయని, ప్రయాణికుల రక్షణ కోసం మరింత నిఘా పెడతామని పేర్కొన్నారు

Read also..

Total Page Visits: 88 - Today Page Visits: 1

Leave a Reply

Your email address will not be published. Required fields are marked *

You may have missed