SGS TV Telugu 24×7 News

24×7 News BRAKING NEWS AP. TELANGANA. CRIME AND POLITICAL న్యూస్User-agent: Mediapartners-Google Disallow: User-agent: * Disallow: /search Allow: / Sitemap: www.sgstvtelugucom/sitemap.xml

అమరావతి కుంభకోణంలో ఐఏఎస్ సాక్ష్యం.!

1 min read

అమరావతి కుంభకోణంలో ఐఏఎస్ సాక్ష్యం.! నెల్లూరు ‘నారాయణ’ బుక్కయ్యారా? సీఐడీ దూకుడు

అమరావతి భూకుంభకోణం కేసు విచారణను సీఐడీ ముమ్మరం చేసింది. అప్పటి సీఆర్డీఏ కమిషనర్ చెరుకూరి శ్రీధర్‌ను సీఐడీ అధికారులు విచారించారు. వ్యవహారం మొత్తం నారాయణ పర్యవేక్షంచారని చెప్పినట్లు తెలుస్తోంది.

అమరావతి భూకుంభకోణంపై ఏపీ సీఐడీ దూకుడు పెంచింది. ల్యాండ్ పూలింగ్ పేరుతో భూ కుంభకోణం జరిగిందని కేసు నమోదు చేసిన సీఐడీ విచారణను ముమ్మరం చేసింది. గత టీడీపీ ప్రభుత్వం హయాంలో సీఆర్‌డీఏ కమిషనర్‌గా పని చేసిన ఐఏఎస్ అధికారి చెరుకూరి శ్రీధర్‌ను సీఐడీ సాక్షిగా చేర్చింది. అందులో భాగంగా సీఆర్డీఏ మాజీ కమిషనర్‌ను సీఐడీ అధికారులు విచారించడంతో కీలక విషయాలు వెల్లడించినట్లు తెలుస్తోంది.

ల్యాండ్ పూలింగ్ ప్రక్రియకు ముందే రెవెన్యూ రికార్డులు మాయమయ్యాయని వచ్చిన ఆరోపణలపై కీలక సమాచారం రాబట్టినట్టు తెలుస్తోంది. 2015లో ల్యాండ్ పూలింగ్ ప్రక్రియ చేపడితే 2014 అక్టోబర్‌లోనే తుళ్లూరు మండలం భూ రికార్డులను రహస్యంగా తెప్పించుకున్నట్లు శ్రీధర్ చెప్పినట్లు సమాచారం. రెండు నెలల తర్వాత 2015 జనవరిలో ల్యాంగ్ పూలింగ్ ప్రక్రియ ప్రారంభమైందని శ్రీధర్ చెప్పినట్లు తెలుస్తోంది.

అనంతరం రాజధాని ప్రాంతంలోని అసైన్డ్ భూముల సేకరణ కోసం జీవో 41 తీసుకొచ్చారని శ్రీధర్ సీఐడీ అధికారులకు చెప్పారు. భూ సమీకరణ ప్రక్రియను అప్పటి మున్సిపల్ మంత్రి పొంగూరు నారాయణ పర్యవేక్షించారని శ్రీధర్ వెల్లడించారు. అసైన్డ్ భూములు ల్యాండ్ పూలింగ్‌కి తీసుకునే సమయంలో ఏపీ అసైన్డ్ యాక్ట్ 1977కు విరుద్ధంగా ఉన్న అంశాలను మంత్రి నారాయణ దృష్టికి తీసుకెళ్లానని శ్రీధర్ తెలిపారు. చట్టవ్యతిరేకమని చెప్పినా నారాయణ పట్టించుకోలేదని ఆయన చెప్పినట్లు తెలుస్తోంది.


నారాయణ ఆదేశాలతోనే భూముల వ్యవహారం జరిగిందని అప్పటి కమిషనర్ వెల్లడించినట్లు తెలుస్తోంది. దీంతో నారాయణను విచారించేందుకు అనుమతి కోరుతూ ఏపీ సీఐడీ హైకోర్టులో కౌంటర్ దాఖలు చేసినట్లు తెలుస్తోంది. దీంతో రాజధాని భూముల కుంభకోణం నారాయణ మెడకు బిగుసుకుంటోందన్న వాదనలు వినిపిస్తున్నాయి. మున్సిపల్ మంత్రిగా అన్నీ తానై నడిపించిన నారాయణ అమరావతి భూకుంభకోణం కేసులో కీలకంగా మారారు.

Total Page Visits: 53 - Today Page Visits: 4

Leave a Reply

Your email address will not be published. Required fields are marked *

You may have missed