కెవ్వుమంటూ అరిచిన షర్మిల.. భయపడి వెనక్కు జరిగిపోయి.

1 min read

వికారాబాద్ జిల్లా దోమ మండలం పాలెపల్లిలోని వరి కొనుగోలు కేంద్రం వద్ద ఈ ఘటన జరిగింది. అనంతరం వైఎస్ షర్మిల రైతులతో పాటు నేలపై కూర్చొని వారి సమస్యలను అడిగి తెలుసుకున్నారు. వరి కొనుగోలు కేంద్రం వద్ద వారు పడుతున్న సమస్యలను రైతులు షర్మిలకు వివరించారు. తేమ శాతం, తాళు అంటూ మూడు నుంచి ఐదు కిలోల వరకూ తరుగు తీస్తున్నారని రైతులు షర్మిల వద్ద ఆవేదన వ్యక్తం చేశారు. భయపడి వెనక్కు జరిగిపోయి..

ఎంతటి ధైర్యవంతులైనా అనుకోకుండా అకస్మాత్తుగా జరిగే కొన్ని పరిణామాలతో దడుచుకుంటుంటారు. వాటిలో కొందరు పురుగులు, బొద్దింకల్లాంటి వాటికే భయపడిపోతుంటారు. మరికొందరు పాముల్లాంటి వాటిని చూస్తే హడలిపోతుంటారు. సరిగ్గా ఇలాంటి పరిణామమే వైఎస్ షర్మిలకు ఎదురైంది. రాష్ట్రంలో ధాన్యం కొనుగోళ్లను పరిశీలించేందుకు వెళ్లిన షర్మిలకు ఇలా జరిగింది.

తెలంగాణలో రాజకీయ పార్టీని ఏర్పాటు చేయబోతున్న వైఎస్ షర్మిల ఆ దిశగా జనాల్లోకి వెళ్తున్నారు. కష్టాల్లో ఉన్నవారితో మమేకమవుతున్నారు. శుక్రవారం కూడా వికారాబాద్ జిల్లాలో ఆమె పర్యటించారు. ఆ జిల్లా రైతులతో మాట్లాడారు. ధాన్యం కొనుగోళ్లలో ముఖ్యమంత్రి కేసీఆర్ నిర్లక్ష్యం వహించారని విమర్శించారు. ఈ పర్యటనలో భాగంగా సంచుల్లో పోసి, కప్పి ఉంచిన ధాన్యాన్ని ఆమె పరిశీలించేందుకు వెళ్లారు. ఆ సంచులపైన నల్లటి ప్లాస్టిక్ పట్టా కప్పి ఉంది. దాన్ని చేత్తో లాగేందుకు యత్నించగా.. అక్కడ బల్లి ఉంది.
దీంతో సహజంగానే షర్మిల భయపడిపోయారు. గట్టిగా కేక పెట్టి.. రెండు చెవులను మూసుకొని వెనక్కు జరిగిపోయారు. దీంతో అక్కడే ఉన్న సెక్యూరిటీ సిబ్బంది అప్రమత్తమయ్యారు. దీనికి సంబంధించిన వీడియో ఇప్పుడు నెట్టింట్లో వైరల్ అవుతోంది.

.

Total Page Visits: 203 - Today Page Visits: 1

Leave a Reply

Your email address will not be published. Required fields are marked *

You may have missed